Qazaqstan Respýblıkasy Úkimetiniń qaýlysy  №284

2016 jylǵy 11 mamyr,  Astana, Úkimet Úıi Iаdrolyq, radıasııalyq jáne ıadrolyq fızıkalyq qaýipsizdik saraptamasyn júrgizý qaǵıdalaryn bekitý týraly «Atom energııasyn paıdalaný týraly» 2016 jylǵy 12 qańtardaǵy Qazaqstan Respýblıkasynyń Zańy 5-babynyń 5) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Iаdrolyq, radıasııalyq jáne ıadrolyq fızıkalyq qaýipsizdik saraptamasyn júrgizý qaǵıdalary bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 11 mamyrdaǵy №284 qaýlysymen bekitilgen Iаdrolyq, radıasııalyq jáne ıadrolyq fızıkalyq qaýipsizdik saraptamasyn júrgizý qaǵıdalary 1. Jalpy erejeler 1. Osy Iаdrolyq, radıasııalyq jáne ıadrolyq fızıkalyq qaýipsizdik saraptamasyn júrgizý qaǵıdalary (budan iri - Qaǵıdalar) «Atom energııasyn paıdalaný týraly» 2016 jylǵy 12 qańtardaǵy Qazaqstan Respýblıkasynyń Zańy (budan ári - Zań) 5-babynyń 5) tarmaqshasyna sáıkes ázirlendi jáne ıadrolyq, radıasııalyq jáne ıadrolyq fızıkalyq qaýipsizdik saraptamasyn (budan ári - saraptama) júrgizý tártibin belgileıdi. 2. Saraptamany qarjylandyrý paıdalanýshy uıymnyń nemese atom energııasy paıdalanylatyn obektilerdi paıdalanýdy júzege asyratyn jeke tulǵanyń qarajatynan nemese Qazaqstan Respýblıkasynyń zańnamasynda tyıym salynbaǵan basqa da kózderden júzege asyrylady. 2. Iаdrolyq, radıasııalyq jáne ıadrolyq fızıkalyq qaýipsizdik saraptamasyn júrgizý tártibi 3. Saraptamany Qazaqstan Respýblıkasynyń atom energııasyn paıdalaný salasyndaǵy zańnamasynda belgilengen tártippen qyzmettiń osy túrin júzege asyrýǵa atom energııasyn paıdalaný salasyndaǵy ýákiletti organda (budan ári - ýákiletti organ) akkredıttelgen uıymdar (budan ári - akkredıttelgen uıym) júrgizedi. 4. Saraptama obektileri: 1) ıadrolyq qondyrǵylardy, radıasııalyq qaýiptiligi 1 jáne 2-sanattaǵy radıasııalyq jáne elektrofızıkalyq qondyrǵylardy ornalastyrý jáne salý alańdaryn tańdaý jónindegi jobalaý qujattamasy; 2) ıadrolyq qondyrǵylardy, radıasııalyq qaýiptiligi 1 jáne 2-sanatgagy radıasııalyq jáne elektrofızıkalyq qondyrǵylardy, kóliktik qaptama komplektilerin jobalaý jáne paıdalaný qujattamasy; 3) ıadrolyq qondyrǵylardy, radıasııalyq qaýiptiligi 1 jáne 2-sanattaǵy radıasııalyq jáne elektrofızıkalyq qondyrǵylardy, kóliktik qaptama komplektilerin tehnıkalyq jańǵyrtýǵa arnalǵan jobalyq qujattama; 4) ıadrolyq qondyrǵylardy, radıasııalyq qaýiptiligi 1 jáne 2-sanattaǵy radıasııalyq jáne elektrofızıkalyq qondyrǵylardy, kóliktik qaptama komplektilerin paıdalanýdan shyǵarý jónindegi jobalaý jáne paıdalaný qujattamasy bolyp tabylady. 5. Saraptamany júrgizý merzimdiligi - úsh jylda bir ret. 6. Paıdalanýshy uıym nemese atom energııasyn paıdalaný obektilerin paıdalanýdy júzege asyratyn jeke tulǵa (budan ári - ótinish berýshi) akkredıttelgen uıymǵa saraptama júrgizýge ótinim jiberedi. 7. Jobalaý jáne paıdalaný qujattamasy qaǵaz jáne elektrondy jetkizgishterde beriledi. 8. Saraptamany júzege asyratyn akkredıttelgen uıymdardyń basshylary: 1) saraptama júrgizý úshin sarapshylar quramyn aıqyndaıdy, qajet bolǵan jaǵdaıda otandyq jáne sheteldik mamandardy tartady. Búl rette Zańnyń 24-babynyń 3-tarmaǵynda kórsetilgen adamdar sarapshylar bola almaıdy; 2) saraptama qorytyndysyna qol qoıady. 9. Saraptama júrgizý merzimi akkredıttelgen uıym ótinimdi alǵan kúnnen bastap úsh aıdan aspaýy tıis. 10. Akkredıttelgen uıymdar saraptama júrgizý kezinde ýákiletti organmen kelisilgen esep-qısap ádistemelerin qoldanady. 11. Akkredıttelgen uıym saraptama júrgizý nátıjeleri boıynsha júrgizilgen saraptamanyń nysanasy men obektisi týraly aqparatty, ótinish berýshi kózdep otyrǵan nemese júrgizip jatqan qyzmettiń qaýipsizdigin qamtamasyz etý jónindegi usynymdardy, saraptama obektisin iske asyrý jóninde sheshim qabyldaýǵa jol beriletini jáne múmkin ekeni týraly tujyrymdy qamtıtyn qorytyndy beredi. 12. Iаdrolyq, radıasııalyq jáne ıadrolyq fızıkalyq qaýipsizdik saraptamasyn júrgizý nátıjeleri boıynsha saraptama obektisin iske asyrý jóninde sheshim qabyldaýǵa jol beriletini jáne múmkin ekeni týraly qorytyndy beriledi. 13. Saraptamanyń teris qorytyndysy berilgen jaǵdaıda ótinish berýshi eskertýlerdi joıady jáne jobalaý men paıdalaný qujattamasyn saraptama júrgizý úshin qaıta jiberedi. Akkredıttelgen uıym qaıta saraptamany bastapqy (buryn jobalaý men paıdalaný qujattamasynyń saraptamasyn júzege asyrǵan) quramda júrgizedi. Qaıta saraptama júrgizý merzimi akkredıttelgen uıym ótinimdi alǵan kúnnen bastap bir aıdan aspaýy tıis.